Home 多平台 PC 求公平定係極限?格鬥之神梅原新手掣起爭議!
求公平定係極限?格鬥之神梅原新手掣起爭議!

求公平定係極限?格鬥之神梅原新手掣起爭議!

0
0

有留意開格鬥遊戲嘅朋友都唔會對梅原大吾呢個名陌生,佢每一次出場,無論係唔係佢Fans都好,大家都會對佢嘅比賽同埋行為百般留意,近日佢就有一單新聞令到格鬥界風雲變色,到底係咩咁巴閉?就係講緊佢早排直播入面試用嘅手掣。有別於以往大家以往嘅認知嘅手製,佢嘅方向掣唔係平時見到嘅桿又或者十字掣,而係同右方邊一樣嘅按鍵。

可能大家就咁睇覺得無乜問題,都只係一個指令輸入方法,但在於格鬥遊戲黎講,呢類輸入方法對比起傳統手掣無疑係個相對革新嘅輸入法。雖然類似設計早年亦有見過,但普遍都為方便鍵盤選手,知名頂級選手公開試用呢類手掣都可以話第一次見。呢類手掣雖然睇落古怪,但在於特定情況下,手掣可以做出傳統手掣無可能做到嘅輸入法(例如同時前後輸入),令到角色回防又或者儲力型角色更有威脅性,同時亦可以活用SOCD嘅優勢,令到遊戲玩家可以更易使出部份被稱為「無可能」嘅極限操作。(SOCD 全寫為 simultaneous opposite cardinal direction inputs ,意思大約為當 手掣以到兩個衝突方向的指令時的反應。一般遊戲如果同時以到「上下」時,會出現跳,而左右同時輸入時,會判定為回中,而街霸則定義為向前行。)

 

該手掣喺坊間引來唔同嘅聲音,有玩家認為唔公平,亦有玩家認為都只係一個手掣,因為在外國HITBOX呢類手掣其實係為左方便Keyboard玩家而設。EVO同Capcom 方面都表示會跟進有關嘅事件同情況,為未來比賽作出修例。

除左外國嘅選手之外,3iGame亦訪問到兩位本地知名嘅格鬥遊戲選手,問問佢地對呢個手掣嘅睇法:

HumanBomb: 對於呢個手掣,官方就未有講之後可唔可以用,Combo breaker就應該可以;個人認為呢個手掣對儲氣角色會有優勢,因為可以做到長期Charge嘅輸入。

五月: 呢個掣佢可以做到最快嘅輸入,以前嘅手掣做唔到向前行之後一放手即時回防,就算更快都要等支桿回中再擋,嗰度都幾Frame;另外儲力型角色可以做出一啲平常用手制或搖杆唔可能出現嘅連技,最主要係因為呢個制可以修改原本遊戲對輸入指令嘅先後次序設定,個人覺得未來Evo或其他比賽會Ban嘅機會都高。

更多有關文章及報導 :


ppt有關相關事宜的討論串: 按此

最新討論

comments