Home 多平台 PC 孝感動天!加拿大小朋友直播主通宵直播籌老豆手術費!
孝感動天!加拿大小朋友直播主通宵直播籌老豆手術費!

孝感動天!加拿大小朋友直播主通宵直播籌老豆手術費!

0
0

一直以來做直播喺香港父母眼中都係不務正業,又或者只係噪怨巴閉,好多直播主成日都比人鬧不如正正經經搵份工,咁都係嘅,本身直播主收入唔穩定,加上打機直播叫人捐錢頂多都係要黎買下Gear 出下糧,不過加拿大日前就有位年青人用直播幫佢爸爸籌期做手術,仲得到全世界好多朋友支持。

13歲嘅ZylTV,日前就開始左一個直播籌款活動,事源係佢爸爸喺上年9月確診第三期直腸癌,到去今時今日癌細胞已經蔓延到其他器官,而癌症亦去到第四期。醫生話唔做化療,佢爸爸生存機會就只會剩翻一年左右,就算做化療,亦可能只係延長多三年時間。

ZylTV唔係有世界頂級技術嘅玩家,但係孝心就一定係世界頂級。不過世界各地嘅遊戲玩家都為ZylTV嘅爸爸獻上祝福,短短五日之內,大家就籌到$13000 加紙 (約7萬8千港幣),比原本預期嘅$5000 超出1倍有多。ZylTV嘅爸爸亦喺直播入面多謝返每位有份支持呢件事嘅朋友,佢話今次亦體會到網民間嗰種對陌生人嘅關心同愛護,希望ZylTV同佢家人都可以健康快樂啦!

最新討論

comments