Home 多平台 PS4 人中唔單單得PS版?名越稔洋想將作品推到Xbox 平台!
人中唔單單得PS版?名越稔洋想將作品推到Xbox 平台!

人中唔單單得PS版?名越稔洋想將作品推到Xbox 平台!

0
0

《人中之龍》系列近年都主力放喺PS上面推出,有人覺得始終日本黑幫遊戲,當然係放「日本」同「亞洲」地區相對比較受歡迎嘅PS啦,唔通放Xbox 咩。不過早前《人中》系列推出英文版,遊戲喺外國市場得到唔錯嘅Feedback,令到製作人考慮將遊戲帶到唔同平台。

 

名越稔洋早前接受法國Gameblog傳媒訪問時有被問到,由於《Phantasy Star Online 2》黎緊會出Xbox版本,唔知其他遊戲,即係好似《人中之龍》未來會唔會推出Xbox呢?名越稔洋回覆表示,由於Xbox 喺日本本土銷量並唔理想,所以當初推出遊戲只係打算推PS版本,而依家《人中之龍》英文版嘅成功,亦到團隊重新考慮遊戲推出到其他平台嘅可能性。

其實《人中之龍》將日本另一面帶到玩家面前,在於香港玩家,可能細細個睇過《古惑仔》系列而令大家有一定程度上對黑幫嘅理解;咁唔知對於外國玩家黎講,呢種重情重義嘅江湖味遊戲,佢地又易唔易理解呢?


遊戲名稱:《人中之龍 6》(英文版)

遊戲類型:動作

開發: Sega

平台: PS4

推出日期: 2018年4月17日

最新討論

comments