Home ACG 一秒變老鬼?多國媒體用app 將遊戲主角變曬「銀髮族」!
一秒變老鬼?多國媒體用app 將遊戲主角變曬「銀髮族」!

一秒變老鬼?多國媒體用app 將遊戲主角變曬「銀髮族」!

0
0

以前唔少網民成日都話部份阻住地球轉嘅老人家係廢老,依家社會大是大非,當大家坐返埋一條船大家就有禮貌地稱呼佢地做「銀髮族」,早前有一個app可以令到大家嘅樣變老人家,外國就比較多朋友日玩夜玩,咁唔知如果拎呢個app ,幫依家睇落愈黎愈似真人嘅遊戲角色「加工」又會點呢?

日前外國網站gamerevolution就用左Faceapp 幫唔同角色加工,將唔同大家熟悉嘅角色「銀髮化」,男士方面代表就有桐生一馬啦,老左之後都仲係咁有男人味,而戰神老左都好似唔大分別,可能佢本身都老老地啦,而RDR2入面嘅Arthur ,老左都依然型仔,不過算啦,我地都無機會見到佢老;其次女性方面本身可以賣樣嘅代表,《FF7》入面Aerith,依家就「巢」左少少,不過都仲認得個樣,而本身賣樣賣身材仲有賣動作,《DOA》入面嘅阿霞,依家你見到佢個樣都會擔心佢打側手翻會唔會風濕痛…

 

      

不過有一個角色睇落無乜大分別,可能本身佢都係二次元向多少少,佢就係逆轉裁判入面嘅成步堂,係加左兩條皺紋。不過都提提大家玩還玩,有時坊間都有傳呢類App 會當大家嘅樣同一d基本資料(可能係帳號又或由用戶輸入嘅個人名稱)留喺Server,如果大家擔心自己個人資料嘅朋友,玩呢類app前都要小心dd 喇。

 

 

 

當然仲有冒險界代表Drake 同Lara

唔單單係外國人,亞洲人都幾似

最新討論

comments