Home 多平台 PC 【TpGS】特工戰線展開!Ubisoft《The Division》帶埋飛機出戰!
【TpGS】特工戰線展開!Ubisoft《The Division》帶埋飛機出戰!

【TpGS】特工戰線展開!Ubisoft《The Division》帶埋飛機出戰!

0
0

Ubisoft 雖然大家都成日笑佢係薯仔Server,但大家都不能夠否認佢地嘅Marketing 同宣傳真係做得出力又貼地,先唔計佢地平時D玩命slogan,剩係廣告肯做埋香港化已經加左分(呢句係希治閣話要寫,同筆者無關)。今次Ubisoft 展區就主打黎緊2月頭即將舉行Beta 嘅《Tom Clancy’s the Division 2》。

 

在遊戲首集推出時,當年TpGS擺放左一架的士,估唔到今次出到第二集戰區由曼哈頓延伸到華盛頓,地圖變成作為美國首都,裝飾也由的士變成飛機,更有一個真人高的特工figure。

 

場入面有多部PC展示今次遊戲Demo,由於主機方面frame 數普遍都是30格左右,而PC方面流倡度及畫面亦相對比較優勝,同場試玩方面比到玩家試玩一個搶點任務,當中四位特工以預設的裝備進攻,全新的關卡及技能,為《Division》的老玩家帶來新刺激,而新玩家亦可以在現場感受遊戲,在於無Server 問題及Bug問題底下,Ubi嘅遊戲果然係好野 (喂)。

 

同場除左《Division》外,現場仲有Just Dance 試玩。台灣方面玩家比香港朋友熱情同無咁怕羞,香港玩家見到Demo 要公開玩,又怕比人拍片所以玩都玩得特別閃縮;但台灣玩家就無呢個擔心,我地睇足大家個鐘,個個玩家都出盡運身解數,唔少女孩子都係舞林高手,不過為左尊重各玩家,所以無圖,唔駛討論。另外試玩仲有Switch嘅Starlink同Urban Trial Playground,雖然玩落就比較小朋友同輕鬆向,不過都有唔少人排隊玩。

 

黎緊我地仲會做埋《Tom Clancy’s the Division 2》嘅試玩後感同製作人訪問,有興趣嘅巴打記得留意喇。

 

最新討論

comments