Home 多平台 手機 Android 【Fight League】《交鋒聯盟》試玩 !(連唔合格新手攻略)
【Fight League】《交鋒聯盟》試玩 !(連唔合格新手攻略)

【Fight League】《交鋒聯盟》試玩 !(連唔合格新手攻略)

0
0

《Fight League》呢款遊戲大家可能未聽過,當然啦,隻game今日先出,由《怪物彈珠》嘅公司Xflag 開發,以電競為賣點嘅戰棋型手機遊戲。大家成日話希治閣唔介紹手機game,今日就捨命陪司子,先為大家試一試呢款手機遊戲。

《Fight League》到底玩乜
新手時期大家可能會好亂,因為新手Deck 得D 動物,又踢波又袋鼠咁,以為呢款係運動遊戲。不過過左新手教學大家就應該會明白,其實呢款遊戲同天下太平同遊戲王有異常同工之妙。遊戲可以1打1,亦可以聯機2打2。遊戲每方陣營會有一位隊長,3000生命值,遊戲規則好簡單,只要打到對方無血就算嬴。棋盤係一個3X4 12格嘅戰場,起手玩家第一局可以放一個鬥士(棋),其後每人每局放兩隻。

每一隻棋子都有自己血量、攻擊力、攻擊範圍同攻擊方向,只要攻擊距離中存在敵人,就會出攻擊。聽落好似好簡單,不過跟住呢點就係遊戲精髓,如果攻擊距離有自己友,除咗「鬥士」自身會攻擊之外,攻擊距離入面嘅自己友都會作出攻擊,而且呢個攻擊會連續落去,即係話如果你嘅鬥士A攻擊距離中有自己人(B),而B嘅攻擊距離中又有另一位自己友(C),你呢一「串」鬥士都會作出連續攻擊,無一次放棋後,每位場上鬥士都可以攻擊一次,所以遊戲中大家就要留意自己戰場內每位鬥士嘅攻擊距離。

逆轉反勝!小心使用必殺技!
希治閣自己玩咗一個下午,本身都以為遊戲好易玩,只係鬥快掉曬D鬥士出黎,留住佢地喺場上面就得。雖然咁講係錯唔曬,不過說話就千萬唔好講得太死。遊戲本身平衡其實都算唔太差,本身遊戲攻擊次數多,但實際可以做成嘅傷害其實又可以接受。簡單而言,戰場內嘅鬥士可以死得好快,但係隊長就唔會咁易比人一擊KO。加上遊戲中,只要自己血量去到一定程度,就可以使出必殺技,每位隊長嘅必殺技都有分別,有可能係吸血、又可能係令對方鬥士退場,所以就算一開波比人撳住黎打,去到咁上下一樣有反擊機會。

五個派系 邊個最易用?
玩得手機遊戲,大家都會將重點放喺鬥士身上(唔好扮唔課金啦,刷首抽都要掛)。遊戲中有五個主要種族:十八番街、機巧一族、動物健將、審判專家及恐怖玩具。另外亦有百搭嘅「自由職業」,講到呢度聰明嘅你應該已經明白,遊戲只可以將同「種族」嘅鬥士放埋一隊,比盡你加埋D自由職業,每隊10個人。鬥士方面又分咗US、S及A級 (我暫時未抽到A級以下),咁呢個時候大家都會諗「咁呢隻Game咪有排課?又要同族又要US級…」,你可以放心,遊戲由XFlag 開發,有d位都佛心,又或者唔吸得太盡嘅,遊戲每隊鬥士入面,只可以落一隻US鬥士,所以如果你刷首抽有一隻US其實都收得工。每一個種族都有住自己特色:


十八番街:場上我方鬥士愈多愈強

評價:其實大家依家都會keep住清場,好難話留到鬥士過幾多turn,除非自己極度好運,對面係黑過黑人。暫時都唔係見到好多對手用呢個種族。


機巧一族:有多種提高隊員能力的支援技能

評價:有住非常多嘅Support技,加攻、隱藏hp、無視登場技能等等,見到佢真係要打醒十二分精神。


動物健將:攻擊力超高

評價:高攻,他媽的高攻。做好防守都仲有得打下,如果你用「動物」見到d死攻唔守嘅朋友真係食菜咁食。不過D造型真係太「可愛」,我唔係太頂得順。


審判專家:隊員最高HP及最易連線 ,當隊長HP進入「危機級」(1500或以下),部份角色可以有超強化

評價:雖然官方話佢地係連線高手,但係一般情況下呢個種族嘅鬥士攻擊力都低到阿媽都唔認得。玩家需要去到1500 血以下先會有真正實力出到黎。不過得番1500血,成個遊戲都要打得好小心,點樣令到對方打到自己進行「危機」狀態絕對係最大關鍵!


恐怖玩具:付出代價換取強勁效果

評價:唔少鬥士都會扣自己血而得到強勁能力,包括攻擊力、扣對方血或者其他負面技能等等,好多技能都比較Straghtforward,我自己就覺得幾易上手,總之,扣自己血,打爆人地,就係咁簡單。


我自己試玩幾小時之後,雖然「字面上」及「官方介紹」上,「審判專家」可能是最易上手,不過需要嘅靚牌都比較多,相反「機巧一族」同「恐怖玩具」可能卡牌比較多,就而且攻擊力高、支援能力比較好,新手場入面唔少朋友都會使用。歐洲希首抽兩US開局(暫時朋友圈中,最歐係30抽4US),玩緊「審判專家」同「恐怖玩具」,有興趣嘅不妨交流下丫!

最新討論

comments