Home 多平台 PC 【3i試玩】中古冷兵器對決!《Mordhau》試玩後感!
【3i試玩】中古冷兵器對決!《Mordhau》試玩後感!

【3i試玩】中古冷兵器對決!《Mordhau》試玩後感!

0
0

 

由獨立遊戲工作室Triternion開發 , 以歐洲中世紀作為背景 , 近日喺Steam平台上架嘅多人動作對戰遊戲《Mordhua》 , 首週銷售就已經突破咗50萬 , 亦榮登Steam五月首週銷售排行嘅第一名 , 到底呢款遊戲有咩魅力可以極速走紅 , 筆者就身先士卒 , 一探來龍去脈。

 

C:\Users\User\Desktop\3iGame\Mordhau試玩\1.jpg

C:\Users\User\Desktop\3iGame\Mordhau試玩\2.jpg

 

《Mordhua》呢款遊戲嘅多人對戰雖然脫離唔到傳統嘅團隊死鬥、單人亂鬥以及佔點呢啲玩法 , 但有別於過往其他遊戲就喺可以容納64人(32vs32)喺同一張地圖裏面進行對戰 , 打起嚟真係好似自己身處喺中世紀歐洲嘅戰場 , 而且遊戲亦包含現時十分流行嘅大逃殺(食雞)mode , 一路執地下嘅冷兵器一路砍人 , 玩起嚟都幾過癮。

 

C:\Users\User\Desktop\3iGame\Mordhau試玩\3.jpg

 

遊戲裏面亦有多人合作嘅PVE模式 , 玩起嚟就好似生存遊戲 , 清完一波敵人後 , 就要喺地圖上搵更高級嘅武器同裝備嚟應付下一波嘅敵人 , 開頭嘅敵人AI就唔算聰明 , 但去到後期敵人無論AI同血量都幾難應付 , 所以打起嚟嘅刺激度可以媲美同人對戰。

 

C:\Users\User\Desktop\3iGame\Mordhau試玩\6.jpg

C:\Users\User\Desktop\3iGame\Mordhau試玩\5.jpg

 

遊戲嘅兵器種類亦都相當之多 , 除左常見嘅刀、槍、劍之外 , 還有好多好似弩、飛斧等嘅遠程武器 , 以及燃燒彈、煙霧彈呢啲投擲兵器 , 另外亦可以利用陷阱去伏擊敵人。

 

C:\Users\User\Desktop\3iGame\Mordhau試玩\4.jpg

 

《Mordhua》對於戰場模擬呢方面亦做得相當出色 , 各個地圖上有好多投石車、弩砲等兵器可以比大家使用 , 大家亦可以用鎚喺特定嘅地點興建各種防禦嘅障礙物。

 

C:\Users\User\Desktop\3iGame\Mordhau試玩\8.jpg

C:\Users\User\Desktop\3iGame\Mordhau試玩\9.jpg

 

遊戲嘅寫實程度亦都相當高 , 相比起同類型遊戲嘅《For Hornor》 , 無華麗嘅招式 , 亦無唔同派系嘅特色 , 單單以冷兵器與冷兵器之間嘅對決 , 而且遊戲裏面還有「爆頭」系統 , 無論遠程武器以及近戰武器都可以「爆頭」 , 直接令人人頭落地。

 

C:\Users\User\Desktop\3iGame\Mordhau試玩\7.jpg

畫面方面亦少不了有斷肢噴血 , 而且被斬、打、刺等唔同動作被擊中嘅時候 , 傷口都有唔同嘅分別 , 一刀劈頭亦隱約見到大腦 , 不過如果大家接受唔到咁寫實嘅畫面都可以選擇熄咗呢啲視覺效果。

C:\Users\User\Desktop\3iGame\Mordhau試玩\10.jpg

不過《Mordhua》唔知係未岩岩推出嘅關係 , 連線真係有啲差 , 有時等左好耐都玩唔到 , 好彩遊戲可以自己開伺服器玩 , 大家亦可以揀人地開嘅伺服器加入遊戲 , 所以呢方面大家就唔洗擔心。

C:\Users\User\Desktop\3iGame\Mordhau試玩\f736122c73404dd341e4e4ec17ae3cad_original.jpg

 

總結而言 , 《Mordhua》喺一款唔錯嘅多人對戰遊戲 , 遊戲嘅寫實程度以及中世紀戰場嘅氣氛都十分吸引 , 而且冷兵器對戰嘅遊戲喺市面上亦相當之少 , 如果各位巴打係鐘意玩寫實風格動作遊戲嘅話 , 筆者絕對推薦呢款遊戲比大家 , 但如果各位巴打唔善長玩動作遊戲嘅話 , 筆者就唔建議大家玩呢款遊戲 , 因為呢類型遊戲需要一定程度嘅反應先可以應付遊戲裏面嘅對戰 , 如果反應唔夠嘅話就好易出現送人頭嘅情況 , 到時玩到無癮就無謂喇。


遊戲名稱: 《Mordhau》

遊戲類型: 動作

開發: Triternion

平台: PC

推出日期: 已推出

 

最新討論

comments