Home 多平台 手機 Android 【3i手遊誌】SEGA版《PKM GO》!? 試玩《Pashamon》
【3i手遊誌】SEGA版《PKM GO》!? 試玩《Pashamon》

【3i手遊誌】SEGA版《PKM GO》!? 試玩《Pashamon》

0
0

試玩絲打:Reyan 文字編輯:Billyball


由SEGA推出既手機遊戲新作《Pashamon(パシャ★モン)》近日就開始有得玩 , 呢款遊戲當初公開情報既時候有好多人都覺得佢「影相出怪」呢個玩法好新奇 , 還有人會將佢同《Pokemon GO》作比較。

咁近日我地「3i手遊誌」既試玩專員「Reyan」絲打就試玩完呢款遊戲 , 睇下佢覺得呢款遊戲試玩後既感覺會係點啦!


創新既「影相出怪」玩法

「影相出怪」係呢款遊戲既最大特色黎 , 亦係呢款遊戲主要既玩法 , 大家只要利用電話既相機功能影低周圍既事物或人像 , 佢地就會變身成為唔同種類既妖怪 , 但有D妖怪出現後係會反抗 , 到左呢個時候就要進行「Get Battle」 , 只要打贏左妖怪 , 你就可以擁有佢。


係相機方面呢款遊戲亦會有判斷正確既顏色以及風景既小道具比大家用。

 

 

另外攝影妖怪既相機同我地現實用既相機一樣 , 係有電池用量 , 當電池用完既時候就可以靠道具增加電量 , 亦可以靠時間去回復電量。

 


自由度有限制既交配系統

呢款遊戲亦可以透過交配系統黎孵化出新既妖怪 , 不過遊戲裏面妖怪與妖怪之間交配既組合係有限制 , 如果自由度可以大一D就更好。

玩法多變既PVP系統

呢款遊戲除左做任務之外 , 亦可以帶自己擁有既妖怪同其他玩家進行PVP對戰 , 亦可以與遊戲本身既npc進行對戰 , 而且呢款遊戲每款妖怪都有自己既屬性 , 遊戲裏面亦有屬性相剋既系統 , 所以對戰既時候都好考驗大家既策略。


與《PKM GO》既比較

老實講呢款遊戲的確有D似《Pokemon GO》, 不過《Pokemon GO》就需要行出街去捕捉小精靈 , 而呢款遊戲只要你影相就可以創造新妖怪 , 可以安坐家中黎玩都得。

總結而言 , 呢款遊戲好融合日常生活 , 亦好適合”相機食先”一族 , 因為影到食物就有可能會出現食物類型既妖怪 , 另外鍾意影相既絲打亦可以試下自拍 , 當相機識別到你既時候佢就會出現一D好可愛既女性妖怪 , 不過唯一缺點就係遊戲裏面既相機識別技術唔係太高 , 搞到成日認錯野。

其次就係呢款遊戲既交配系統 , 因為呢種系統係其他手機遊戲比較少見 , 就好似細個玩「他媽哥池」一樣 , 你會好期待佢地會生出D咩妖怪出黎。

不過呢款遊戲入手稀有妖怪既機率其實唔算高(s級妖怪4% , a級妖怪9%) , 令到可能對一D唔課金既玩家黎講會有D難捕捉到稀有既妖怪 , 呢一點我自己會對呢款遊戲扣少少分。

如果各位巴絲打對現今好多手機遊戲提唔起興趣去玩既話 , 咁就不妨一試呢款《Pashamon》, 包保你對手機遊戲會有新既睇法。

官網: https://pashamon.jp/


遊戲名稱:《Pashamon(パシャ★モン)》

遊戲類型: 角色扮演

開發: SEGA

平台: iOS/Android (日本)

推出日期: 已推出

最新討論

comments