Home 多平台 手機 Android 【3i手遊誌】日系王道MMORPG!試玩《Alchemia Story》
【3i手遊誌】日系王道MMORPG!試玩《Alchemia Story》

【3i手遊誌】日系王道MMORPG!試玩《Alchemia Story》

0
0

試玩巴打:LPY 文字編輯:Billyball


 

由Asobimo開發既手機遊戲新作《Alchemia Story(アルケミアストーリー)》近日就開始有得玩 , 呢款遊戲係一款十分傳統既日系王道MMORPG類型既手機遊戲黎 , 大家將會係一個充滿魔物與魔法背景既世界中, 扮演一個為左消滅魔王而踏上旅程既「冒險者」。

到底呢款遊戲係未一款合格既RPG類型遊戲黎?等我地睇下「3i手遊誌」既試玩專員「LPY」巴打試玩完後既報告啦!

 

 

呢款遊戲作為一款MMORPG遊戲 , 一開始當然需要創造自己既角色先啦 , 呢款遊戲係創角設定上既自由度都好高 , 不論角色既外貌以及髮型等既設定都整得十分細緻 , 細致到連眼耳口鼻五官都可以細微調整設定 , 當然呢款遊戲亦可以揀簡易創角既設定黎節省大家時間。另外大家既支援角色「YOME」既外型都可以由玩家自由詳細設定。

 

 

呢款遊戲既戰鬥係採用即時指令戰鬥 , 當然大家亦可以auto自動出技 , 另外呢款遊戲既整體地圖都算幾大 , 所以遊戲特別有一個「自動尋路系統」 , 大家想由一個地方去另一個地方就唔會「安藤正樹」上身咁迷路。

 

 

另外遊戲作為一款MMORPG遊戲當然會有職業比大家去揀 , 呢款遊戲暫時會有五大職業比大家選擇 , 包括戰士、拳鬥士、占星術士、修道士以及技工 , 每款職業都有唔同既擅長武器、專屬技能以及特點。另外只要完成職業任務既話每款職業係遊戲中都可以自由轉換。

(註: 近期亦更新左多一款職業「騎士」)

 

而且呢款遊戲除左有過往MMORPG遊戲既遊戲特點之外 , 亦都會有現今手機遊戲既特點 , 點解會咁講?因為呢款遊戲會有市面上手機遊戲一般都會有既「曜日關卡」, 通過關卡後就可以獲得強化技能和武器素材 , 技能強化素材方面 , 每個星期一至五就會順序有無,火,水,風以及土屬性既強化素材 , 而周末就全部屬性都會有 , 至於武器強化素材方面 , 關卡會有時間限制 , 每次只有30分鐘時間。

總結而言 , 呢款遊戲的確係一款好傳統既日系王道MMORPG類型遊戲黎 , 無論係故事劇情上以及係玩法上 , 另外係試玩既過程中亦搵返當年玩類似「RO(仙境傳說)」類型遊戲既感覺 , 呢款遊戲作為MMORPG遊戲黎講絕對唔差 , 如果各位巴絲打係鍾意玩MMORPG遊戲既話 , 咁就不妨一試呢款《Alchemia Story》。

官網: https://www.alchemiastory.jp/


遊戲名稱:《Alchemia Story(アルケミアストーリー)》

遊戲類型: MMORPG

開發: Asobimo

平台: iOS/Android (日本)

推出日期: 已推出

最新討論

comments