Home ACG 【3i手遊誌】文豪Stray Dogs版打磚塊!?試玩《文豪Stray Dogs 迷ヰ犬怪奇譚》
【3i手遊誌】文豪Stray Dogs版打磚塊!?試玩《文豪Stray Dogs 迷ヰ犬怪奇譚》

【3i手遊誌】文豪Stray Dogs版打磚塊!?試玩《文豪Stray Dogs 迷ヰ犬怪奇譚》

0
0

試玩絲打:迷途小綿羊 文字編輯:Billyball


由Ambition開發以人氣動漫《文豪Stray Dogs》為題材既手機遊戲新作《文豪Stray Dogs 迷ヰ犬怪奇譚(文豪ストレイドッグス 迷ヰ犬怪奇譚)》近日就開始有得玩 , 咁「3i手遊誌」既試玩專員「迷途小綿羊」就係《文豪Stray Dogs》既Fans黎 , 所以今次佢為一眾《文豪Stray Dogs》既Fans率先試玩呢款遊戲 , 一探呢款遊戲既來龍去脈。

 

 

打磚塊概念既遊戲玩法

呢款遊戲既玩法其實類似以前「打磚塊」遊戲既玩法 , 遊戲畫面會有對應自己角色屬性既顏色珠 , 大家只需要把手指放係畫面既下半部份區域拉後一推 , 就可以將銀色珠彈出 , 不過唔同一般既彈珠遊戲 , 被彈到既珠唔係彈開而係消失。

另外右下角會有一個特攻掣 , 只要特攻計儲滿之後篤一下特攻制 , 銀色珠就會延長時間去彈到更多唔同既顏色珠 , 還有大家只要按一下最下方角色欄中既角色頭像就可以發動角色既技能。

原作故事重現係遊戲之中

除左戰鬥之外 , 呢款遊戲亦收錄左原作故事 , 大家可以係遊戲中欣賞(不過故事全程係無配音 , 呢點有D可惜) , 另外如果遲d有活動既時候還會追加活動相關既原創故事。

偵探社office Q版重現

遊戲裏面會有Q版既偵探社office , 裏面會有偵探社各個Q版人物角色係裏面 , 每位角色都會有自己既工作 , 可以篤他們黎強化各種對戰鬥有幫助既效果。

總結而言 , 呢款遊戲果然都係一款Fans向既遊戲作品黎 , 不過畫面以及系統上我覺得尚算唔錯 , 而且玩法上有D復古既感覺 , 不過睇故事無配音呢一點作為一款Fans向既遊戲作品黎講的確唔太ok , 尤其係對於一D初接觸呢套作品既人黎講 , 但話雖如此 , 如果大家作為一位《文豪Stray Dogs》Fans既話 , 真係無唔玩呢款《文豪Stray Dogs 迷ヰ犬怪奇譚》既理由。

官網: http://www.bungo-mayoi.jp/pc/index.php


遊戲名稱: 《文豪Stray Dogs 迷ヰ犬怪奇譚(文豪ストレイドッグス 迷ヰ犬怪奇譚)》

遊戲類型:打磚塊

開發: Ambition

平台: iOS/Android (日本)

推出日期: 已推出

最新討論

comments