Home 多平台 手機 Android 【3i外訪】《北斗之拳 傳承者再臨》 製作人岩本耕平訪問及試玩
【3i外訪】《北斗之拳 傳承者再臨》 製作人岩本耕平訪問及試玩

【3i外訪】《北斗之拳 傳承者再臨》 製作人岩本耕平訪問及試玩

0
0

早前《北斗之拳》公開將會推出新手機作品,並會以「夢幻組隊」作賣點,引起不少玩家及Fans 注目。《北斗之拳 傳承者再臨》製作人岩本 耕平先生早前就帶埋遊戲Demo 黎香港,3iGame 當然率先同大家試試佢!

 

 

 

《北斗之拳 傳承者再臨》就係一首類似傳統手機卡牌式對戰遊戲,玩家可以進行6對6角色對戰,只要喺遊戲入面連出簡單圖形就可以令到角色提高攻擊力,儲夠氣就可以出絕招,基上來睇到都會識玩;其次今次遊戲亦由原哲夫監督,令遊戲畫風保持原有風格。

遊戲睇落畫面就唔錯,製作人提到第一年計畫會先將原有故事一步步更新,往後再考慮原創故事等元素。遊戲主要以單指操作,如果係Fans 都會諗起《北斗》op入面有句歌詞都係話要用一隻手指打爆敵人;我地都有多口問返製作人其實遊戲係唔係因為咁樣而開發?岩本先生就笑笑話其實有個類似故事;佢話當日初開發嘅時候有諗過玩法不如似拳四郎咁篤電話,但最後被其他開發人員以「好易整壞電話」為理由將玩法否決。

 

 

《北斗之拳 傳承者再臨》玩法上唔算好特別,但就可以比Fans用唔同嘅人物組隊,就連喺原著入面唔打得嘅角色都可以放埋落隊,對於Fans 黎講都可以話係一個幾特別嘅項目。遊戲已經開始左事前登陸,只要登陸數夠5萬仲會送南斗水鳥拳「雷伊」。遊戲未有實際推出日期,但岩本先生就話其實開發都相當順利,到天氣「再熱d」嘅時候就可能可以出街,Fans 們記得留意喇。

《北斗之拳 LEGENDS ReVIVE》事前登陸:  按此


遊戲名稱:《北斗之拳 LEGENDS ReVIVE》

遊戲類型: 角色扮演

開發: SEGA

平台: iOS/Android

推出日期: 2019年內

最新討論

comments