Home 多平台 PC 【未FC】小島神同Konami 密密斟想Reboot 《Silent Hill》?!
【未FC】小島神同Konami 密密斟想Reboot 《Silent Hill》?!

【未FC】小島神同Konami 密密斟想Reboot 《Silent Hill》?!

0
0

最近社會風氣,令我地3i都少左新聞又或者其他元素;我諗呢半年大家都學識一樣野叫FC (fact Check) ,成日都話未FC就最好唔好傳,不過有時遊戲界嘅傳聞,有時又真係傳下傳下就變左真野。

小島秀夫離開Konami 之後自立門戶,推出左新作品《Death Stranding》,遊戲作為打頭陣遊戲,旋即得到大量Fans 及深度遊戲玩家好評,話故事有深度得黎玩法獨特,令到唔少人紛紛加入小島教;但亦有部份輕量玩家表遊戲同DHL 模擬器無分別,打到世界盡頭睇你套動畫,不如直頭出電影好過。遊戲評價就大家各有意見,但無可否認嘅係遊戲已經喺業界得到非常大嘅關注度,亦令小島秀夫嘅名號喺新一輩玩家之間變得更響。

 

遊戲推出完之後,Kojima Production 有咩新搞作?有位id 叫Sarkzt0001嘅網友就喺Reddit 上面爆料,話小島神下一款遊戲好可能係同《Silent Hill》相關嘅作品。之前唔少朋友都有玩過《P.T.》,當時被傳係新一代嘅《Silent Hill》嘅Demo。遊戲都係由小島神主理,當時遊戲Demo主角就正正係依家《Death Stranding》其中一位主角箭佬 Norman Reedus。Sarkzt0001提到:Kojima Production同Konami 已經傾好初步合作,並會Reboot 《Silent Hill》系列,Konami 方面會負責選角,而遊戲創意部份將會交由Kojima Production負責。

 

 

大家可能會諗:乜小島神同Konami 唔係炒左大鑊嘅咩?Sarkzt0001就表示,其實兩方最主要傾唔埋都係因為《Metal Gear》系列同相關元素,同《Silent Hill》呢個project 本身就無乜關係。上星期如果大家有留意遊戲新聞,亦知道Kojima Production其中一位靈魂人物今泉健一郎離職嘅事。傳聞小島秀夫今次決定同Konami再度合作,亦令到今泉健一郎相當不滿,但小島秀夫就表示好希望可以回應Fans對《P.T.》嘅期望,並完成該作品,兩人無法達成共識,最後今泉亦離開Kojima Production。

 


今泉健一郎(中)上星期離開Kojima Production,相關方面未有公開原因及去向

傳聞就差唔多黎到呢度,Sarkzt0001亦話其實傾就一早傾好曬,遊戲亦好可能會喺2020,甚至係黎緊《The Game Awards》上公開有關消息,對於Fans們,相信今次都係一個好大嘅喜訊丫。

最新討論

comments