Home 多平台 手機 Android 【交鋒聯盟】《Fight League》各種族最佳隊長推介
【交鋒聯盟】《Fight League》各種族最佳隊長推介

【交鋒聯盟】《Fight League》各種族最佳隊長推介

0
0

作者: BillyBall

《交鋒聯盟 Fight League》都已經出左一個星期左右 , 我諗到現家仲有好多人都會諗,各個種族小隊用邊隻鬥士做隊長先係最好 , 而我係呢一星期裏面亦都做左好多呢方面研究 , 咁今次就同大家分享一下呢一個星期研究成果啦。


十八番街 :

首先講下種族「十八番街」, 呢個種族大部份鬥士技能都係在場有我方鬥士先可以發動的 , 所以我推介大家用【連傘蛙 水蓮寺翡翠】

 

 

因為佢必殺攻擊係召喚一隻能夠全方位攻擊大青蛙 , 青蛙本身能力都唔差 , 還可以拎黎補充一下場上我方鬥士數量 ,發動其他隊員鬥士技能 。 加上【連傘蛙 水蓮寺翡翠】攻擊力和HP我諗你都唔會放係隊員吧?所以「十八番街」最佳隊長非佢莫屬。

 


機巧一族 :

之後講下種族「機巧一族」,呢個種族大部份鬥士技能都係以連擊做增加攻擊力 , 再加上有好多長射程鬥士 , 所以我推介大家用【圓規教授 3.14介子】

 

 

因為佢必殺攻擊係全體隊員提升200攻擊力 , 再加上其他鬥士以連擊做增加的攻擊力 , 完全可以係1 turn打爆對面隊長同清場。不過有人會問點解我唔揀可以加多100攻擊力既【GX-17 捍衛者巴爾】而要揀佢呢? 因為 【GX-17 捍衛者巴爾】技能 (登場 : 〈連擊〉到的所有我方隊員以〈連擊〉數加乘100攻擊力)對比起佢必殺攻擊更實用 , 加上每一個小隊只可以落一隻US鬥士原則下 , 無理由浪費一個US位置黎犧牲佢作為隊員咁犀利性能。

 


動物健將 :

第三個要講既種族就係「動物健將」, 呢個種族大部份鬥士都係高攻擊力為主 , 由其係對敵方隊長 , 但攻擊方向少 , 而且唔擅長連擊 , 所以好多人都會採用「速攻隊長」打法去打 , 所以我推介大家用【足球前鋒 豹向】

會推介佢個理由好簡單 , 因為佢必殺攻擊係直接打敵方隊長300 HP , 對於「速攻隊長」打法超級幫到手


審判專家 :

第四個要講既種族就係「審判專家」, 呢個種族大部份鬥士技能通常都係自己進入危機狀態(自己隊長得返HP1500)或者鬥士自己低過某個HP數量先可以發動的 , 所以我推介大家用【MR . 電腦醫生】

因為呢隻game最重要就係隊長 , 隊長一被打爆就咩都無 , 所以佢必殺攻擊就係俾一個600 HP 護盾俾自己隊長 , 超級有用 , 姐係變相加自己600 HP , 除左對面有一隻高攻擊力鬥士或者連擊 , 如果唔係呢個護盾基本上可以頂到2 turn , 令自己長命D可以諗下點樣反擊。


恐怖玩具 :

最後要講既種族就係「恐怖玩具」, 呢個種族大部份鬥士技能通常都係自殘(扣自己或隊長血 , 令自己隊員消失等)黎發動 , HP亦對比任何一個種族為低 , 所以我推介大家用【鱷魚頭尼洛】

因為佢必殺攻擊係打敵方隊長300加自己300 HP 回複 , 可以回複因一些隊員效果而扣左HP之餘還可以直接打到敵方隊長 , 十分實用。

以上係我各種族最佳隊長既人選 , 如果各位有更好隊長人選建議 , 不妨交流一下。

最新討論

comments