Home 多平台 PC 60億美金!《GTA V》 成為有史以來最搵錢遊戲!
60億美金!《GTA V》 成為有史以來最搵錢遊戲!

60億美金!《GTA V》 成為有史以來最搵錢遊戲!

0
0

一款遊戲可以幾搵錢?呢D真係好難講,有好多人以為「鬥課金」就等於搵得多,但係終於有人證明課金唔係「最搵到錢」!早前外國網站 marketwatch 指出,《GTA V》已經靠60億銷量,成為世界史上最好賣同最搵到錢嘅遊戲,吸金能力比起當年占士金馬倫嘅《阿凡達》有過之而無不及。

當年Rockstar Games 憑2億美金開發遊戲,在短短五年間遊戲賣出超出9000萬隻,對比起過去系列,遊戲遠遠超出其他系列嘅銷量。不過亦有人認為,遊戲成功全靠遊戲暴力表現,同時亦為年青玩家建立壞榜樣;多年以來,《GTA》系列都係唔同道德組織既攻擊目標,甚至指責暴力遊戲是「殺人犯的育成器」。

不過美國有研究表示,其實遊戲會令人變得暴力係一個「錯誤觀點及指控」,CBS新聞 指出,超過80%暴力使用者又或者犯人,對「遊戲」根本一d興趣都無,「這種說法聽起來能讓我們更加安全,社會上會有這種反應完全可以理解,但是從科學或是數據面來看,無法證明槍擊案與電玩之間的因果關係。」心理學家Patrick Markey 於節目時提到,所以如果日後仲有親戚朋友話「打機會令人暴力」,大家記得引經據典,順便可以回佢一句:「暴力遊戲唔會令人暴力,但會令人發達」。


遊戲名稱:《GTA V》

遊戲類型: 動作射擊

開發: Rockstar Games

平台: PlayStation 4, Xbox One,PC

推出日期:2013年

最新討論

comments