Home 多平台 手機 Android 【3i手遊誌】首款噬神者RPG遊戲!《GOD EATER RESONANT OPS》試玩後感&起手心得
【3i手遊誌】首款噬神者RPG遊戲!《GOD EATER RESONANT OPS》試玩後感&起手心得

【3i手遊誌】首款噬神者RPG遊戲!《GOD EATER RESONANT OPS》試玩後感&起手心得

0
0

Bandai Namco旗下遊戲系列《GOD EATER(噬神者)》最新開發既手機遊戲《GOD EATER RESONANT OPS》近日終於推出 , 咁今次我地就為大家試一試呢款手機遊戲。

 

《GOD EATER RESONANT OPS》到底玩咩?

呢款遊戲係一款RPG類型既手機遊戲黎 , 咁戰鬥方面就採用左小隊回合制模式 , 除左主角之外還可以揀最多兩位「God Eater」角色組成一個小隊 , 戰鬥既時候大家都需要每回合設定好曬每位角色既技能同攻擊目標先開始戰鬥 , 另外呢款遊戲亦存在攻擊類型以及屬性相剋機制。

C:\Users\channel-i\Desktop\3igame\試玩\GOD EATER RESONANT OPS\1.jpg

戰鬥時候既遊戲畫面

C:\Users\channel-i\Desktop\3igame\試玩\GOD EATER RESONANT OPS\2.jpg

 

攻擊類型主要分破、貫、切三種並且互相剋制

當然呢款遊戲亦傳承左舊作既「捕食」系統 , 角色向敵方「荒神」進行左「捕食」之後就會進入「burst mode」, 進入左「burst mode」之後角色既攻擊力以及防禦力都會在指定既回合內提升 , 另外同時亦可以使用burst技能 , 但使用burst技能後角色就會解除「burst mode」既狀態 , 所以各位使用burst技能既時候要注意一下。

 

C:\Users\channel-i\Desktop\3igame\試玩\GOD EATER RESONANT OPS\4.jpg

捕食後角色會立刻進入「burst mode」

C:\Users\channel-i\Desktop\3igame\試玩\GOD EATER RESONANT OPS\4.1.jpg

C:\Users\channel-i\Desktop\3igame\試玩\GOD EATER RESONANT OPS\4.2.jpg

burst技能就係角色既必殺技 主要分攻擊型以及輔助型

另外有D角色因為「神機」既設定關係而無法進行「捕食」 , 不過佢地亦可以利用「強制解放劑」黎立刻進入「burst mode」。

C:\Users\channel-i\Desktop\3igame\試玩\GOD EATER RESONANT OPS\5.jpg

無法進行「捕食」既角色會以「強制解放劑」進入「burst mode」

另外Boss級敵方「荒神」當受到一定傷害既時候 , 就會「活性化」 , 活性化既「荒神」既攻擊力以及防禦力都會在指定回合內提升 , 除此之外還會出現有別於一般情況既攻擊招式 , 不過大家一直攻擊活性化既「荒神」到一定程度既傷害後 , 「荒神」就會行動唔到 , 之後就可以「一齊捕食」令到全部角色可以立刻進入「burst mode」。

C:\Users\channel-i\Desktop\3igame\試玩\GOD EATER RESONANT OPS\3.jpg

C:\Users\channel-i\Desktop\3igame\試玩\GOD EATER RESONANT OPS\3.1.jpg

「荒神」活性化後會有唔同既攻擊招式

C:\Users\channel-i\Desktop\3igame\試玩\GOD EATER RESONANT OPS\6.jpg

C:\Users\channel-i\Desktop\3igame\試玩\GOD EATER RESONANT OPS\6.1.jpg

「荒神」行動唔到後就可以進行「一齊捕食」

呢款遊戲亦將普遍RPG遊戲既戰鬥道具改變成為「Divider」角色 , 小隊除左主角以及兩位「God Eater」角色之外 , 亦要將四位「Divider」角色加入小隊裏面 , 每次戰鬥開始前亦可以搵屬於其他人既一位「Divider」角色參與戰鬥 , 而每位「Divider」角色既技能都各有唔同。

C:\Users\channel-i\Desktop\3igame\試玩\GOD EATER RESONANT OPS\7.jpg

「Divider」角色既技能會有攻擊系、回復系、輔助系等

最後係角色育成方面呢款遊戲既「God Eater」角色就會經歷每一次戰鬥後都會獲得經驗值 , 經驗值去到某個數值就會提升等級 , 而每位「God Eater」角色都會有等級限制 , 大家需要利用「覺醒」黎突破等級限制。

C:\Users\channel-i\Desktop\3igame\試玩\GOD EATER RESONANT OPS\8.jpg

「God Eater」角色可以利用特別素材黎進行「覺醒」

而「Divider」角色以及主角用既「神機」就可以利用「FC」提升等級 , 而「FC」係每場戰鬥後可以獲得 , 同樣佢地都會有等級限制 , 大家需要利用「強化」以及「改造」黎突破等級限制。

C:\Users\channel-i\Desktop\3igame\試玩\GOD EATER RESONANT OPS\9.jpg

「Divider」角色可以利用特別素材黎進行「強化」

C:\Users\channel-i\Desktop\3igame\試玩\GOD EATER RESONANT OPS\10.jpg

主角用既「神機」可以利用特別素材黎進行「改造」

首抽推薦:

呢款遊戲最高既稀有度係5星 , 不過係抽蛋池裏面會有「God Eater」角色、「Divider」角色以及主角用既「神機」包含係裏面 , 所以大家首先一定要以5星「God Eater」角色為目標 , 因為如果無優秀「God Eater」角色既話抽中其他野都無意思 , 而且5星既「God Eater」角色最高等級可以達到85LV , 暫時係遊戲裏面係最高。

另外有位「God Eater」角色我個人覺得係眾多5星裏面比較出眾 , 呢位就係由《GOD EATER》初代就已經開始出場既人氣角色「艾莉莎(アリサ)」 , 因為佢攻擊技能可以妨礙敵人之外 , 亦有回血同埋強化角色既支援效果技能 , 十分萬用。

C:\Users\channel-i\Desktop\3igame\試玩\GOD EATER RESONANT OPS\11.jpg

C:\Users\channel-i\Desktop\3igame\試玩\GOD EATER RESONANT OPS\12.jpg

《GOD EATER》系列人氣角色「艾莉莎(アリサ)」

起手心得:

咁大家過左教學關卡以及刷完首抽之後就需要盡快通過主線故事既第六章 , 因為遊戲裏面既第一個「討伐任務」需要大家通過主線故事既第六章先會開放 , 而「討伐任務」係主要獲得素材既主要地方黎 , 十分重要。

C:\Users\channel-i\Desktop\3igame\試玩\GOD EATER RESONANT OPS\13.jpg

第一個「討伐任務」需要通過主線故事既第六章先會開放

遊戲裏面亦會有一D教程任務比大家去挑戰一下 , 大家每通過一個教程任務就會有300石送比大家 , 而且呢D教程任務十分簡單 , 所以我都建議大家盡快去挑戰一下。

C:\Users\channel-i\Desktop\3igame\試玩\GOD EATER RESONANT OPS\14.jpg

教程任務可以按實績確認

另外大家都會煩惱緊點先可以將「God Eater」角色既等級盡快提升至最高 , 咁大家其實可以利用各個主線故事關卡既最後Boss關卡黎升級 , 因為一開始唔需要打其他「荒神」就直接打Boss慳返唔少時間之外經驗值亦會相比起其他關卡多 , 所以升級效率絕對一流。

C:\Users\channel-i\Desktop\3igame\試玩\GOD EATER RESONANT OPS\15.jpg

C:\Users\channel-i\Desktop\3igame\試玩\GOD EATER RESONANT OPS\16.jpg

大家可以利用主線故事關卡最後一話黎將「God Eater」角色等級提升

總結:

《GOD EATER RESONANT OPS》呢款遊戲我個人覺得只係一款Fans向既手機遊戲黎 , 因為玩法與普遍同類型遊戲無異 , 而且抽蛋方面唔friendly亦成為左呢款遊戲致命既缺點。

C:\Users\channel-i\Desktop\3igame\試玩\GOD EATER RESONANT OPS\17.jpg

抽蛋池屬三種類型既混合池 以致好難中到想中既角色或「神機」

不過呢款遊戲既畫面相對其他同類遊戲尚算唔錯 , 而且係遊戲既過場同埋戰鬥畫面亦相當流暢 , 加上有大部份以往《GOD EATER》系列既角色係遊戲裏面出現 , 作為《GOD EATER》Fans既話的確無唔玩既理由。

C:\Users\channel-i\Desktop\3igame\試玩\GOD EATER RESONANT OPS\18.jpg

除左「艾莉莎(アリサ)」外 , 「林道(リンドウ)」等既系列經典角色亦會係遊戲出現

另外呢款遊戲既故事設定係發生《GOD EATER 2》之後 , 但係故事裏面亦會回顧返過往系列遊戲既故事劇情 , 所以如果大家對《GOD EATER》系列故事有興趣但未玩過過往系列遊戲 , 而且唔鐘意玩動作遊戲既話 , 都不妨一試呢款《GOD EATER RESONANT OPS》。


遊戲名稱:《GOD EATER RESONANT OPS》

遊戲類型: 角色扮演

開發: BANDAI NAMCO

平台: iOS/Android (日本)

推出日期: 已推出

最新討論

comments