Home 多平台 手機 Android 【3i手遊誌】機械少女版GvG!《Dolls Order》試玩後感&起手心得
【3i手遊誌】機械少女版GvG!《Dolls Order》試玩後感&起手心得

【3i手遊誌】機械少女版GvG!《Dolls Order》試玩後感&起手心得

0
0

由著名動畫導演「水島精二」負責遊戲世界觀加上強大既聲優陣容 , 由gumi推出既手機遊戲《Dolls Order》近日終於推出 , 咁今次我地就為大家試一試呢款手機遊戲。

《Dolls Order》到底玩咩?

呢款遊戲係一款主打2vs2 PVP既手機遊戲黎 , 簡單黎講玩法上同《Gundam VS Gundam(GvG)》系列類似 , 不過呢款遊戲就採用左單人三機(角色)既替換機制 , 即係大家如果第一部出擊既角色被擊破 , 就可以選擇另一個角色出擊 , 被擊破既角色就唔能夠同場再出擊 , 除非三位角色都被擊破後我方還未輸既情況下被擊破既角色就可以重新出擊 , 至於遊戲既勝敗就同《GvG》系列一樣 , 敵方戰力值歸零就代表贏 , 我方戰力值歸零就代表輸。另外有D角色會因為場地既關係能力上會有調整。

 

C:\Users\channel-i\Desktop\3igame\試玩\Dolls Order\1.jpg

角色被擊破後 , 可以揀另一位未被擊破既角色出擊

C:\Users\channel-i\Desktop\3igame\試玩\Dolls Order\2.jpg

 

角色會因場地關係有能力上升或者下降情況出現

至於戰鬥系統方面 , 呢款遊戲採用左普遍動作類型手機遊戲既操作方式黎進行戰鬥 , 而每個角色係戰鬥既時候都會有三招技能可以使用 , 但技能一定要令角色升級先可以解鎖使用 , 另外戰鬥中途可以使用同《GvG》系列類似既「覺醒」系統 , 而且覺醒後亦可以使用一次大技 , 但與《GvG》系列唔同呢款遊戲用緊大技既時候係冇無敵時間。

C:\Users\channel-i\Desktop\3igame\試玩\Dolls Order\3.jpg

角色戰鬥既時候只要篤一下技能制就可以使用技能

C:\Users\channel-i\Desktop\3igame\試玩\Dolls Order\4.jpg

啟動類似「覺醒」狀態既遊戲畫面

最後係角色升級強化方面呢款遊戲就採用左類似「白貓Project」既星盤方式 , 而升級強化係需要使用強化道具 , 強化道具可以係主線故事關卡以及同其他人對戰後獲得。另外強化角色之後會獲得玩家經驗值 , 經驗值去到某個數值就會提升「玩家等級」 , 玩家等級去到某個等級就會有新既「玩家技能」出現供大家使用。

C:\Users\channel-i\Desktop\3igame\試玩\Dolls Order\5.jpg

升級強化除左提升角色能力外亦可以解鎖角色技能

C:\Users\channel-i\Desktop\3igame\試玩\Dolls Order\6.jpg

提升到某個玩家等級就會有新既玩家技能可以用

首抽推薦:

呢款遊戲最高既稀有度係5星 , 雖然5星角色會有較為好用技能 , 但因為呢款遊戲比較著重個人技術以及與隊友之間既合作 , 加上有戰力值限制既關係 , 所以我建議抽到適合自己個人戰鬥風格既角色就ok , 無需要盲目追5星。

另外抽蛋池除左角色之外 , 也會有類似《FGO》禮裝效果既「被動技能」一齊係抽蛋池裏面出現 , 呢點大家要留意。

C:\Users\channel-i\Desktop\3igame\試玩\Dolls Order\7.jpg

左邊係角色既機率、右邊係「被動技能」既機率

起手心得:

好似「首抽推薦」部份所講 , 呢款遊戲係比較著重個人技術 , 所以我建議大家首先利用一些低星既角色嘗試一下自己適合咩類型既戰鬥風格先 , 之後再刷首抽抽到適合自己戰鬥風格既角色先開始遊戲。

C:\Users\channel-i\Desktop\3igame\試玩\Dolls Order\8.jpg

大家可以利用練習場搵自己適合既戰鬥風格

刷完首抽之後大家先唔好心急同其他人對戰先 , 因為現階段對戰既對手以及隊友既角色通常都會有一定程度既強化 , 所以大家可以先去打主線故事既關卡拎強化道具將角色升級強化 , 如果唔係大家只會做炮灰而已。

C:\Users\channel-i\Desktop\3igame\試玩\Dolls Order\9.jpg

首先利用主線故事既關卡拎強化道具

拎到強化道具後 , 大家首要目標就係將大家主要會用角色既角色技能解曬鎖先 , 因為現階段對戰既對手通常都會將角色技能全解鎖先會同人對戰 , 如果大家未將角色技能解鎖既話大家對戰既時候就會好輸洩

C:\Users\channel-i\Desktop\3igame\試玩\Dolls Order\10.jpg

大家升級強化既首要目標就係要將角色技能解鎖

當大家主要會用角色既角色技能解曬鎖後 , 大家就可以放心對其他人進行激烈既對戰。

總結:

《Dolls Order》呢款遊戲算係現今眾多既手機遊戲裏面比較別樹一格 , 因為現今好多手機遊戲其實都係比較著重抽角色既運氣多過著重個人技術以及與隊友之間既合作 , 但呢款遊戲就正正相反 , 唔同角色既戰鬥風格、組隊時候要考慮埋戰力值既限制等 , 都需要個人技術以及思考 , 另外因為2vs2既關係令到與隊友之間既合作亦顯得十分重要。

C:\Users\channel-i\Desktop\3igame\試玩\Dolls Order\11.jpg

呢款遊戲相比其他手遊更著重個人技術及隊友合作

不過呢款遊戲亦有一D缺點係度 , 但呢個缺點唔知係未遊戲剛剛起步既關係 , 對戰既時候經常都會有斷線(已經係連wifi)以及彈apps既情況出現 , 希望官方未來可以盡快諗辦法改善呢種情況。

如果各位巴絲打想玩一D比較著重個人技術既手機遊戲 , 不妨一試呢款《Dolls Order》。


遊戲名稱:《Dolls Order》

遊戲類型: 動作對戰

開發: gumi

平台: iOS/Android(日本)

推出日期: 已推出

最新討論

comments