Home 多平台 手機 Android 【3i手遊誌】「一年戰爭」即時戰略手遊《機動戰士高達 即時戰線》試玩後感
【3i手遊誌】「一年戰爭」即時戰略手遊《機動戰士高達 即時戰線》試玩後感

【3i手遊誌】「一年戰爭」即時戰略手遊《機動戰士高達 即時戰線》試玩後感

0
0

Bandai Namco最新開發以高達裏面既「一年戰爭」故事為背景既手機遊戲《機動戰士高達 即時戰線》近日終於推出 , 咁今次我就為大家試一試呢款手機遊戲。

《機動戰士高達 即時戰線》到底玩咩?

呢款遊戲主打1vs1或者2vs2即時戰略對戰 , 大家需要係聯邦以及自護兩大陣營裏面二選一 , 同另一邊既陣營進行即時對戰 , 而遊戲既玩法方面就有D似《Clash Royale》既方式進行 , 只係各自既大本營唔係塔而係變左做戰艦囉。

咁係畫面既上下就會有各自既戰艦 , 敵我雙方需要利用手上既資源派出唔同既MS以及其他戰鬥單位向對方既戰艦進攻 , 另外亦會有空中轟炸、地雷等既即時戰術供大家使用 , 咁最後可以成功破壞敵方戰艦或者戰鬥時間結束時殘餘生命值較高既一方就當贏。

C:\Users\channel-i\Desktop\3igame\試玩\高達即時戰線\1.jpg

遊戲裏面會有各式各樣既MS以及其他戰鬥單位出現 , 而佢地都有唔同既專長 , 例如厚血可以作為坦既愛爾蘭魔蟹、攻高但血少既戰鬥用直昇機等。

C:\Users\channel-i\Desktop\3igame\試玩\高達即時戰線\3.jpg

不過因為有勢力限制既關係 , 唔同勢力可以獲得既MS並唔相同 , 所以大家係唔會見到有高達以及馬沙專用渣古係同一個部隊裏面 , 呢點我反而覺得有D可惜。

C:\Users\channel-i\Desktop\3igame\試玩\高達即時戰線\2.jpg

首抽推薦:

呢款遊戲最高既稀有度係UR , 但因為分左聯邦以及自護兩個勢力既關係 , 所以唔同勢力既UR都有唔同 , 現在兩個勢力各自都有4款UR , 聯邦方面我會推薦「高達」, 因為佢有一個叫「大盾」能力 , 可以將自己所既傷害一部份無效化 , 另外作為MS佢擁有相當高既HP以及擁有範圍攻擊 , 可以話係遊戲裏面最萬能既戰鬥單位;自護方面我會推薦「加洛普」陸戰艇 , 雖然佢高資源cost同埋行得慢但有超級高既HP , 而且係一定既時間內可以派最多三部既渣古一齊作戰 , 可以作為坦之餘亦同時兼任主力攻擊既戰鬥單位。

C:\Users\channel-i\Desktop\3igame\試玩\高達即時戰線\4.jpg

總結:

《機動戰士高達 即時戰線》作為fans向遊戲的確唔錯 , 因戰鬥途中如果大家派一D專用機落場既話會出現駕駛員既經典台詞 , 而且睇得出遊戲很盡力係不大改原作為前提黎開發。但如果作為一款即時戰略手機遊戲既話呢款我就覺得一般 , 原因係玩法上呢款遊戲同好多市面唔同既即時戰略手機遊戲其實就大同小異 , 另外戰鬥既節奏我亦覺得太慢 , 再加上因為不大改原作既關係令到兩個勢力既戰鬥單位能力失衡 , 對於我呢D自護既Fans真係有D唔公平 , 希望官方未來可以盡快諗辦法改善呢種情況。


遊戲名稱:《機動戰士高達 即時戰線》

遊戲類型: 策略塔防

開發: Bandai Namco

平台: iOS/Android

推出日期: 已推出

最新討論

comments